ఏమి చిత్రగుప్తా? ఈ మధ్య రోజూ భోజనానికి వెళ్లి ఆలస్యంగా వస్తున్నావు? ఏమిటి సంగతి?
ఏమీ లేదు ప్రభూ, ఉపగ్రహవాణి ద్వారా వచ్చే రేడియో స్పందనలో ప్రియరాగాలు అనే కార్యక్రమంలో వేసే చిత్రసంగీతాన్ని విని వస్తూండటం వల్ల కాస్త ఆలస్యం అవుతోంది ప్రభూ!
అదేమీ వాణి? ఆకాశవాణి విన్నాము కానీ ఈ ఉపగ్రహ వాణి ఏమిటి?
ఎవరైనా ఎక్కడైనా సంగీతం, వార్తలు వినేటట్లు ఈ మానవులు ఉపగ్రహం ద్వారా ప్రసారం చేస్తున్న కార్యక్రమాలు ప్రభూ!
అయితే చిత్రగుప్తా, వారితో మాట్లాడి మన యమలోకంలో కూడా వినబడేటట్లు యమరాగాలు అనే ప్రోగ్రాము తయారు చేద్దాం. శిక్షలు అనుభవించే వారు ఈ యమరాగాలు వింటూ కాస్త ఆనందంగా వుంటారు కదా! అలాగే ఈ ప్రోగ్రాము చేయడానికి మనలో ఎవరున్నారో కాస్త చూడు.
అదేమీ కష్టం కాదు ప్రభూ, గోరంత విషయాన్ని కొండంతగా, పీచు మిఠాయిని సాగదీసినట్లు ఏదో విషయాన్ని మాట్లాడే టాలెంటు వుంటే చాలు. మధ్య మధ్య కాస్త చిత్రసంగీతం వేస్తే చాలు. పాటల చిట్టా వుండును. దానిని చూసి ఏదో పాట వేసేస్తే సరిపోతుంది.
చిత్రగుప్తా, నువ్వు చెప్పేది నమ్మశక్యం కావడం లేదు. వారికి కాస్త ట్రెయినింగు ఇచ్చినచో బాగుండును కదా?
సరే ప్రభూ, మన ఆడ భటులలో ఓ ఇద్దరిని లక్ష్మీ శరత్ , ప్రతిభ ల దగ్గరికీ పంపిస్తాను.
వారెవ్వరు చిత్రగుప్తా?
వారా ప్రభూ? ఇంతకు ముందు రేడియో స్పందనలో తెలుగు భాషను చిత్రవధ చేస్తూ శ్రోతలను నానా విధముగా హింసించిన అనుభవజ్ఞులు. వీరిద్దరిలో ఒకరికి అవార్డు కూడా ఇచ్చారు ప్రభూ!
అయితే సరే చిత్రగుప్తా! వెంటనే ఏర్పాటు చేసేయ్. మన యమరాగాలు ఎంత తొందరగా వీలయితే అంత తొందరగా వినాలనుంది!
Tuesday, June 2, 2009
Subscribe to:
Post Comments (Atom)
2 comments:
ha ha ha..kummesaru ..office lo chadavanu ika nundi mee blog :)
మరింకేమిటండి ఆలస్యం.... ఆన్ చేయండి యమబాండ్!!
Post a Comment